booked.net booked.net booked.net booked.net


/ Արցախ / Արցախում ապրիլի 12-ից մինչև մայիսի 12-ը հայտարարվեց արտակարգ իրավիճակ

Արցախում ապրիլի 12-ից մինչև մայիսի 12-ը հայտարարվեց արտակարգ իրավիճակ



Լրահոս

Կորոնավիրուսի «Դելտա» հիմնամանրէն տարածվել է 132 երկրում. ԱՀԿ
30.07.2021 | 21:31   ***
Կորոնավիրուսի «Դելտա» հիմնամանրէն տարածվել է 132 երկրում. ԱՀԿ
Նոր Զելանդիան անվանվել է լավագույն երկիրը, որտեղ կարելի է վերապրել գլոբալ աղետը
30.07.2021 | 21:20   ***
Նոր Զելանդիան անվանվել է լավագույն երկիրը, որտեղ կարելի է վերապրել գլո...
ArmnewsOnline TV Youtube chanel
Եվրահանձնաժողովը ներկայացրել է «կլիմայական աղետի» դեմ պայքարի ուղեցույցը
30.07.2021 | 21:15   ***
Եվրահանձնաժողովը ներկայացրել է «կլիմայական աղետի» դեմ պայքարի ուղեցույ...
Նիկոլ Փաշինյանը հեռախոսազրույց է ունեցել ԿԽՄԿ նախագահ Փիթըր Մաուերի հետ
30.07.2021 | 21:08   ***
Նիկոլ Փաշինյանը հեռախոսազրույց է ունեցել ԿԽՄԿ նախագահ Փիթըր Մաուերի հե...
Իսրայելի ոստիկանության հետ բախումների հետևանքով տուժել է 211 պաղեստինցի
30.07.2021 | 21:02   ***
Իսրայելի ոստիկանության հետ բախումների հետևանքով տուժել է 211 պաղեստինց...
Հայիթիի սպանված նախագահի կինն ասել է, թե ովքեր կարող են լինել ամուսնու սպանության հնարավոր կազմակերպիչները
30.07.2021 | 20:58   ***
Հայիթիի սպանված նախագահի կինն ասել է, թե ովքեր կարող են լինել ամուսնու...
Ճապոնիայում կրկին գրանցվել է կորոնավիրուսով վարակվելու օրական առավելագույն ցուցանիշը
30.07.2021 | 20:53   ***
Ճապոնիայում կրկին գրանցվել է կորոնավիրուսով վարակվելու օրական առավելագ...
Անհայտ անձինք հարձակվել են Աֆղանստանում ՄԱԿ-ի առաքելության վրա
30.07.2021 | 20:50   ***
Անհայտ անձինք հարձակվել են Աֆղանստանում ՄԱԿ-ի առաքելության վրա
Շամիլ Տարպիշչևն ասել է, թե ինչը կօգնի Խաչանովին հաղթել ՕԽ-ի եզրափակչում
30.07.2021 | 20:43   ***
Շամիլ Տարպիշչևն ասել է, թե ինչը կօգնի Խաչանովին հաղթել ՕԽ-ի եզրափակչու...
Վանաձոր-Ալավերդի ավտոճանապարհին այրվել է ավտոմեքենա
30.07.2021 | 20:38   ***
Վանաձոր-Ալավերդի ավտոճանապարհին այրվել է ավտոմեքենա
ՉԺՀ ԱԳՆ-ն բողոքի է հղել ԱՄՆ-ին՝ Չինաստանում լրագրողների հետապնդման մասին Պետդեպի հայտարարության պատճառով
30.07.2021 | 20:29   ***
ՉԺՀ ԱԳՆ-ն բողոքի է հղել ԱՄՆ-ին՝ Չինաստանում լրագրողների հետապնդման մաս...
Քառասունչորսօրյա պատերազմում նահատակված Իսահակ Սիմոնյանի Մարտական ծառայության մեդալը հանձնվել է նրա հարազատներին
30.07.2021 | 20:24   ***
Քառասունչորսօրյա պատերազմում նահատակված Իսահակ Սիմոնյանի Մարտական ծառա...
Փաստահավաք աշխատանքները հաստատում են, որ ադրբեջանական զինված ուժերի ծառայողները տևական ժամանակով խոչընդոտում են սահմանային բնակիչների գյուղատնտեսական աշխատանքների իրականացումը
30.07.2021 | 20:22   ***
Փաստահավաք աշխատանքները հաստատում են, որ ադրբեջանական զինված ուժերի ծա...
Հայաստանն ու Վրաստանը քննարկում են արագընթաց գնացքի գործարկման հնարավորությունը, որը թույլ կտա Երևանից Թբիլիսի հասնել 2-3 ժամվա ընթացքում․ նախարար
30.07.2021 | 20:15   ***
Հայաստանն ու Վրաստանը քննարկում են արագընթաց գնացքի գործարկման հնարավո...
«Ամունդի-ԱԿԲԱ Ասեթ Մենեջմենթ»–ի ակտիվների մեծությունը հատել է 212 միլիարդ դրամի շեմը
30.07.2021 | 20:08   ***
«Ամունդի-ԱԿԲԱ Ասեթ Մենեջմենթ»–ի ակտիվների մեծությունը հատել է 212 միլի...
Ջենիֆեր Լոպեսի նախկին փեսացուն Մելանիա Քոլինզի ուղեկցությամբ զբոսնել է Սեն Տրոպեում
30.07.2021 | 20:02   ***
Ջենիֆեր Լոպեսի նախկին փեսացուն Մելանիա Քոլինզի ուղեկցությամբ զբոսնել է...
Ռուսաստանն ու Թուրքիան քննարկում են գազի տարանցման երկարաժամկետ պայմանագիր կնքելու հարցը
30.07.2021 | 19:55   ***
Ռուսաստանն ու Թուրքիան քննարկում են գազի տարանցման երկարաժամկետ պայման...
Հաջողության հասնելու 6 կանոն՝ ըստ Առնոլդ Շվարցենեգերի. դերասանն այսօր նշում է ծննդյան 74 –ամյակը
30.07.2021 | 19:49   ***
Հաջողության հասնելու 6 կանոն՝ ըստ Առնոլդ Շվարցենեգերի. դերասանն այսօր ...
Մաքսիմի ներկայացուցիչը հայտնել է, որ երգչուհու վիճակը լավացել է, սակայն ճգնաժամը չի անցել
30.07.2021 | 19:46   ***
Մաքսիմի ներկայացուցիչը հայտնել է, որ երգչուհու վիճակը լավացել է, սակայ...
Լուկաշենկոն հայտնել է, թե որ դեպքում ռուսական զորքեր կտեղակայվեն Բելառուսում
30.07.2021 | 19:40   ***
Լուկաշենկոն հայտնել է, թե որ դեպքում ռուսական զորքեր կտեղակայվեն Բելառ...
Տեխնոհսկաների շահույթը ավելանում է
30.07.2021 | 19:35   ***
Տեխնոհսկաների շահույթը ավելանում է
Խոցված ԱԹՍ-ն իսրայելական է, հետախուզական տիպի. Գինը 1,5-2 մլն դոլար. փորձագետը մանրամասներ է հայտնում
30.07.2021 | 19:31   ***
Խոցված ԱԹՍ-ն իսրայելական է, հետախուզական տիպի. Գինը 1,5-2 մլն դոլար. փ...
Ուսման վարձի լրիվ կամ մասնակի փոխհատուցում ստացող անձանց շրջանակը կընդլայնվի. ԱԺ-ն ընդունեց նախագիծը
30.07.2021 | 19:25   ***
Ուսման վարձի լրիվ կամ մասնակի փոխհատուցում ստացող անձանց շրջանակը կընդ...
Գրքի երևանյան փառատոնին ներկայացվեցին Հովհաննես Թումանյանի վերահրատարակված ակադեմիական հատորները
30.07.2021 | 19:19   ***
Գրքի երևանյան փառատոնին ներկայացվեցին Հովհաննես Թումանյանի վերահրատարա...
Շիրակում ՔՈՓ թիմը դաշտային վարժանք է անցկացրել
30.07.2021 | 19:13   ***
Շիրակում ՔՈՓ թիմը դաշտային վարժանք է անցկացրել
«Ռոսսելխոզնադզորը» թույլատրել է ադրբեջանական 34 ձեռնարկությունից լոլիկի ներկրումը ՌԴ
30.07.2021 | 19:06   ***
«Ռոսսելխոզնադզորը» թույլատրել է ադրբեջանական 34 ձեռնարկությունից լոլիկ...
<<Պոլիտեխնիկը>>պետք է դառնա արդյունաբերության թիվ 1 հենարանը․ Հայկ Չոբանյան
30.07.2021 | 19:03   ***
պետք է դառնա արդյունաբերության թիվ 1 հենարանը․ Հայկ Չոբանյան
Ստեղծվել է Արմեն Շեկոյանի հուղարկավորության հանձնաժողով
30.07.2021 | 18:53   ***
Ստեղծվել է Արմեն Շեկոյանի հուղարկավորության հանձնաժողով
Ֆրանսիայի ռազմածովային ուժերը մարտական լազերով այրեցին  անօդաչու թռչող սարքեր
30.07.2021 | 18:43   ***
Ֆրանսիայի ռազմածովային ուժերը մարտական լազերով այրեցին անօդաչու թռչող...
Ավստրալիան կրկին կբացի սահմանները, երբ բնակչությանը 80 տոկոսը պատվաստվի
30.07.2021 | 18:31   ***
Ավստրալիան կրկին կբացի սահմանները, երբ բնակչությանը 80 տոկոսը պատվաստվ...
Բոլորը

Սիրելի՛ հայրենակիցներ,

Սույն թվականի մարտի 19-ին, կառավարության նիստում, որտեղ քննարկվել է «Արցախի Հանրապետությունում նոր կորոնավիրուսային հիվանդության տարածման կանխարգելման եւ կորոնավիրուսի համաճարակի սպառնալիքից բնակչության պաշտպանության պատրաստականության մասին» հարցը, ես մեր քաղաքացիներին տեղեկացրել էի բոլոր ձեռնարկվող միջոցների մասին:
Այնտեղ նշել եմ, որ կառավարության կողմից կձեռնարկվեն բոլոր անհրաժեշտ հնարավոր միջոցները մեր հանրապետությունում կորոնավիրուսի տարածման կանխարգելման ուղղությամբ, եւ որ այդ աշխատանքները կկրեն մշտական բնույթ:
Նաեւ նշվել է, որ նոր հանգամանքների ի հայտ գալու դեպքում կիրականացվեն լրացուցիչ քայլեր, եւ մեր քաղաքացիները այդ մասին անմիջապես կտեղեկանան:
Օբյեկտիվ պատճառներով այնպես է ստացվել, որ աշխարհում այդ վարակի տարածումը համընկել է մեր հանրապետության Սահմանադրությամբ նախատեսված կարեւորագույն համապետական՝ նախագահական եւ խորհրդարանական ընտրությունների կազմակերպման եւ անցկացման հետ:
Ստեղծված պայմաններում մենք պետք է անեինք ամեն ինչ, որպեսզի ե՛ւ ընտրություններն անցնեն նախատեսված ժամկետում, ե՛ւ, ամենակարեւորը, ապահովվի բնակչության առողջությունը՝ մեր ժողովրդին զերծ պահելով հնարավոր ռիսկերից:
Սահմանադրությամբ նախատեսված համապետական կարեւոր միջոցառումների, ինչպիսինն են հանրապետության նախագահի եւ Ազգային ժողովի պատգամավորների ընտրությունների անցկացումը որեւէ մեկի քմահաճույքը չէ, այլ առկա իրավիճակի հստակ գիտակցումն է, որ հաստատված ժամկետներում ընտրությունների չանցկացումը ինքնին կարող է առաջ բերել սահմանադրական ճգնաժամ՝ դրանից բխող բազմաթիվ
անկանխատեսելի բացասական հետեւանքներով:

Այդ իսկ պատճառով իրականացվել են կառավարության որոշումներով նախատեսված այն բոլոր համալիր միջոցառումները, որոնք ենթադրում է կորոնավիրուսի դեմ պայքարը, եւ որոնք այսօր գործում են տարբեր երկրներում: Հանրապետությունում վարակի տարածման դեմ պայքարը չի դադարել ոչ մի րոպե: Ակտիվորեն աշխատում է միջգերատեսչական հանձնաժողովը, եւ օպերատիվ կերպով լուծվում են բոլոր դրված խնդիրները:

Հատուկ կուզենայի նշել, որ մեր երկրում կորոնավիրուսի տարածման կանխարգելմանն ուղղված աշխատանքները իրականացվում են Հայաստանի Հանրապետության համապատասխան կառույցների հետ սերտ համագործակցությամբ: Եվ բոլոր ծագող հարցերի շուրջ իմ կողմից մշտապես անց են կացվում քաղաքական խորհրդատվություններ Հայաստանի բարձրագույն ղեկավարության հետ:
Այս աշխատանքների իրականացումը մեզնից յուրաքանչյուրից պահանջում է հսկայական պատասխանատվության եւ բարձր գիտակցության զգացում: Մեր կողմից արվում է հնարավորը այս ուղղությամբ:
Եվ որեւէ մեկի մոտ չպետք է կասկած լինի, որ այն քաղաքականությունը, որը մեր կողմից իրականացվել է ստեղծված պայմաններում, եղել է համակողմանիորեն մշակված, ու որ դրա հիմքում ընկած էին ե՛ւ բնակչության առողջության պահպանման ուղղությամբ բոլոր միջոցների ձեռնարկումը, ե՛ւ սահմանադրական խնդիրների լուծումը՝ ի շահ մեր ժողովրդի, մեր երկրի ապագայի, ի շահ մեր պետականության ամրապնդման:
Դեռեւս պարզ չէ, թե ինչքան կտեւի այս համաճարակը, եւ այն ինչ ազդեցություն կունենա համաշխարհային տնտեսության վրա: Պետության կողմից պետք է արվի հնարավորը մեր երկրում տնտեսական ճգնաժամը կանխելու ուղղությամբ:

Եվ այս պարագայում պետք է լինի ժողովրդի լիակատար վստահությունը վայելող իշխանություն, որը, օգտագործելով օրենքով սահմանված իր լիազորությունները, կանի հնարավոր ամեն ինչ ապագա բոլոր մարտահրավերներին արդյունավետորեն դիմակայելու համար:

Ստեղծված լրջագույն պայմաններում մեզ, ինչպես երբեք, պետք է ընտրված լեգիտիմ իշխանություն:
Մեզ հաջողվեց Սահմանադրությամբ նախատեսված ժամկետներում մարտի 31-ին համատեղ ուժերով անցկացնել համապետական ընտրությունները: Ինչպես գիտեք, ընտրվել է Ազգային ժողովի նոր կազմ: Սակայն նախագահական ընտրությունների արդյունքները ենթադրում են ընտրությունների երկրորդ փուլի անցկացում, որը նախատեսված է ապրիլի 14-ին:

Սիրելի՛ հայրենակիցներ,

Հաշվի առնելով, որ, չնայած նոր կորոնավիրուսային հիվանդության տարածման կանխարգելման եւ կորոնավիրուսի համաճարակի սպառնալիքից բնակչության պաշտպանության ուղղությամբ ձեռնարկված միջոցառումների արդյունքում տեւական ժամանակահատվածում Արցախի Հանրապետությունում վարակի դեպքեր չէին արձանագրվել, սակայն վերջերս վարակի արձանագրված դեպքերը անհրաժեշտություն են առաջացրել նոր լրացուցիչ քայլերի ձեռնարկման եւ միջոցառումների իրականացման, այդ թվում՝ ապրիլի 14-ին նախագահական ընտրությունների անցկացման ժամանակ,

ելնելով նման արտակարգ իրավիճակում մարդկանց կյանքի եւ առողջության ապահովման գերակայության սկզբունքից, ինչպես նաեւ համաճարակի կանխարգելման, համաճարակային իրադրության պայմաններում բնակչության պաշտպանության, բնակչության առողջության պահպանման եւ առողջական վիճակի բարելավման նպատակով սանիտարականխարգելիչ, կարանտինային հատուկ միջոցառումների, վարակի տարածումը կանխելու եւ վերացնելու հատուկ պայմաններ եւ ռեժիմ սահմանելու, ինչպես նաեւ բնակչության պաշտպանության կանխարգելիչ այլ աշխատանքների եւ միջոցառումների ժամանակին, պատշաճ, օպերատիվ, արդյունավետ կազմակերպման եւ իրականացման անհրաժեշտությունից,

հաշվի առնելով, որ վարակի տարածմանը էականորեն նպաստում կամ կարող են նպաստել, իսկ կանխարգելմանը` խոչընդոտել այլ, այդ թվում` վարակված բնակչության բարձր ցուցանիշներ ունեցող երկրներից պոտենցիալ վարակակիր անձանց՝ Արցախի Հանրապետություն մուտք գործելու, Արցախի Հանրապետության տարածքում անձանց ազատ տեղաշարժվելու, հանրային միջոցառումներին մասնակցելու, համապատասխան կանխարգելիչ միջոցառումներ, իսկ ախտանիշների առկայության դեպքում` բժշկական զննություն չանցնելու հանգամանքները,
հիմք ընդունելով այն, որ Արցախի Հանրապետության Սահմանադրության 93-րդ եւ 133-րդ հոդվածները Արցախի Հանրապետության Նախագահին լիազորում են երկրում արտակարգ իրավիճակ հայտարարել տարերային աղետի բնույթ ունեցող բնական կամ տեխնածին աղետների կանխարգելման, ինչպես նաեւ դրանց հետեւանքների վերացման նպատակով, եւ այն, որ վարակի տարածումը զանգվածաբար սպառնում է մարդկանց կյանքին ու առողջությանը, եւ հաշվի առնելով Արցախի Հանրապետության Սահմանադրության հոդված 3-ով սահմանված` մարդու` որպես բարձրագույն արժեք հանդիսանալու սահմանադրական կարգավիճակը, ինչը պետությանը պարտավորեցնում է միջոցներ ձեռնարկել անձանց կյանքի ու առողջության պաշտպանության համար,
նկատի ունենալով այն, որ վարակի ներթափանցման եւ վարակված անձանց առկայության եւ նրանց թվի ավելացման պայմաններում համապատասխան կանխարգելիչ աշխատանքների եւ միջոցառումների իրականացումը եւ դրանց արդյունքում անձանց կյանքի եւ առողջության պաշտպանությունը հնարավոր չի լինի ապահովել առանց Արցախի Հանրապետության Սահմանադրությամբ երաշխավորված` մարդու եւ քաղաքացու հիմնական իրավունքների եւ ազատությունների սահմանափակման, մասնավորապես՝ անձնական ազատության, ազատ տեղաշարժվելու իրավունքի, հավաքների ազատության, սեփականության իրավունքի եւ արտակարգ իրավիճակի ժամանակ Արցախի Հանրապետության Սահմանադրությամբ սահմանափակման ենթակա այլ իրավունքները եւ ազատությունները` իրավիճակի պահանջով եւ օրենքով սահմանված կարգով ժամանակավորապես կասեցնելու կամ լրացուցիչ սահմանափակումների ենթարկելու,
եւ ղեկավարվելով Արցախի Հանրապետության Սահմանադրության 93-րդ հոդվածի 20-րդ կետով, 133-րդ հոդվածի 1-ին մասով եւ «Արտակարգ իրավիճակներում բնակչության պաշտպանության մասին» օրենքի 1-ին եւ 5-րդ հոդվածներով` ես ստորագրել եմ հրամանագիր, համաձայն որի՝
Արցախի Հանրապետության ամբողջ տարածքում 2020 թվականի ապրիլի 12-ից, ժամը 22:00-ից սկսած մինչեւ 2020 թվականի մայիսի 12-ը, ժամը 22:00-ն ներառյալ՝ հայտարարվել է արտակարգ իրավիճակ:

Արտակարգ իրավիճակի իրավական ռեժիմն ապահովող ուժերի եւ միջոցների միասնական ղեկավարումն իրականացնելու նպատակով ստեղծվել է պարետատուն: Պարետատան ղեկավարման համար իմ կողմից պարետ է նշանակվել Արցախի Հանրապետության պետական նախարար Գրիգորի Մարտիրոսյանը:
Պարետատան կազմում ընդգրկվել են շահագրգիռ մարմինների ղեկավարները:
Հրամանագրով սահմանվել են արտակարգ իրավիճակի ժամանակ կիրառվող միջոցառումները եւ իրավունքների ու ազատությունների ժամանակավոր սահմանափակումները, արտակարգ իրավիճակի իրավական ռեժիմն ապահովող ուժերն ու միջոցները:

Թանկագի՛ն հայրենակիցներ,

Ըստ էության՝ այսպիսինն է կայացված որոշման անհրաժեշտությունը:
Վստահ եմ, որ մեր ժողովրդի իմաստնության, կարգապահության եւ բարձր քաղաքացիական պատասխանատվության շնորհիվ կկարողանանք հաղթահարել բոլոր դժվարությունները, արդյունավետորեն լուծել ծագող խնդիրները եւ, միաժամանակ, օրենքով սահմանված կարգով անցկացնել մեր երկրի համար այս կարեւորագույն համապետական միջոցառումը, ինչպիսինն է Արցախի Հանրապետության նախագահի ընտրությունը՝ ձեռնարկելով անհրաժեշտ միջոցներ բնակչության առողջության պահպանման ուղղությամբ:

Ընտրությունների անցկացման օրը բոլոր ընտրատեղամասերում կձեռնարկվեն առողջապահական եւ սանիտարահիգիենիկ խստագույն միջոցներ: Պետք է անենք հնարավորը, որպեսզի կանխարգելենք եւ չեզոքացնենք բոլոր բացասական հետեւանքները: Մենք կանենք մեզնից կախված ամեն ինչ, որպեսզի ամենայն պատասխանատվությամբ անցնենք այս կարեւորագույն շրջանը եւս:

Կոչ եմ անում մեր քաղաքացիներին՝ ըմբռնումով մոտենալ ընդունվող որոշումներին, խստորեն հետեւել նախատեսված միջոցների եւ հանձնարարականների կատարմանը:

Մեր բոլոր գործողությունները պետք է լինեն՝ հանուն մեր երկրի եւ քաղաքացիների բարեկեցության, մեր ազատ, անկախ եւ ժողովրդավարական պետության ապագայի:
Բոլորիս մաղթում եմ քաջառողջություն հաջողություններ եւ ամենայն բարիք:

Շնորհակալություն:

Նյութի աղբյուր՝ armlur.am
Հավանեցի՞ք նյութը, կիսվեք ընկերների հետ։


Կարող եք կիսվել Ձեր տպավորությամբ

0 0 0 0 0 0